Coordinaos contra la violencia de xéneru
El Conceyu consolida'l so compromisu na llucha contra la violencia de xéneru por aciu l'aprobación de dos alcuerdos estratéxicos. Estes midíes tán diseñaes pa optimizar el trabayu conxuntu ente les fuerces de seguridá y garantizar una protección integral y cercano a les víctimes en tol conceyu.
Un d'ellos ye l'adhesión al Protocolu de Collaboración y Coordinación ente les Fuerces y Cuerpos de Seguridá del Estáu y los Cuerpos de Policía Local. Nesi marcu, roblóse un nuevu Protocolu de Coordinación ente Guardia Civil y Policía Local que promueve circuitos axilosos pal intercambiu d'información y procedimientos d'actuación conxunta pa evitar duplicidades y ameyorar la eficiencia.
La puesta en marcha d'estos alcuerdos marca'l camín hacia la integración total de la Policía Local nel Sistema de Siguimientu Integral nos casos de Violencia de Xéneru (VioGén).
So esti marcu, los axentes locales asumen el siguimientu directu de les víctimes con un nivel de riesgu baxo, dexando una vixilancia más personalizada y un acompañamientu constante y afecho a la realidá de cada casu nel conceyu.
Con estes acciones, L.lena reafita la so voluntá de erradicar la violencia machista, con cooperación institucional y dotando de les ferramientes necesaries pa ello.