El Conceyu de L.lena solicita una subvención LEADER pa crear un parque de deportes urbanos na área d'El Sotón
El Conceyu de L.lena presenta una solicitú d'ayuda al programa LEADER del Plan
Estratéxicu de la PAC 2023-2027 pal desenvolvimientu del proxecto "Zona d'Ociu yDeportes Urbanos". L'actuación, que se va allugar n'una parcela en Masgaín (área d'ElSotón), tien como oxetivu la creación d'un parque especializáu en disciplines urbanescomo skate, patinete non motorizao, BMX y patinos.
Según consta na memoria del proyectu, la iniciativa naz de los pidimientos repitíos demozos l.lenizos que demanden un espaciu afechu, seguro y dignu" pa la práctica d'estesactividaes. Anguaño, l'ausencia d'un llugar específicu provoca qu'estos deportes se realicen n'espacios non edecuaos pa ello, xenerando "posibles conflictos de convivencia, riesgos de seguridá y perda d'oportunidá educativa y comuñal".
El proyectu nun se concibe como una instalación aisllada, sinón como una "pieza
d'ordenación y cualificación del cantu sur de La Pola". La intervención busca crear una zona pública d'alta calidá ambiental y social que conecta'l núcleu urbanu col ríu L.lena y los equipos esistentes nel espaciu de Masgaín, como'l campu de fútbol, el mercáu de ganaos y el Muséu del Ciclismu d'Asturies.
La infraestructura proxectada inclui una superficie especializada de formigón d'alta durabilidad con elementos de skate park de baxa y media dificultá. Ademas, incorporóse zones d'estancia y observación con bancos y solombra pa acompañantes y families, y incorporóse una infraestructura verde con plantíu d'especies arbórees afeches al clima local pa ameyorar el confort técnicu y llograr l'efectu d'isla de calor.
La memoria, ellaborada pola oficina técnica municipal, tamién detalla la instalación de mobiliariu urbanu, señalización de normes d'usu, protección y encamientos de seguridá, asina como l'acondicionamientu d'itinerarios piatonales accesibles qu'ameyoren la conectividá cola trama urbana.
El Conceyu de L.lena xustifica la operación en principios oxetivos estratéxicos. Ente ellos, destaca la meyora de la calidá de vida y la salú pública a traviés del fomentu de hábitos saludables y l'actividá física non reglada, el regresu del enraigono xuvenil nel conceyu y l'estímulu del acuriosamientu residencial de L.lena pa families y nuevos residentes. Coles mesmes, sorráyase la dimensión social del proyectu, al xenerar un espaciu d'alcuentru interxeneracional que favorez la convivencia y contribúi a l'adaptación climática y a la rexeneración del cantu periurbano.
La singularidá del proyectu, según recueye el documentu, mora na so concepción como una "infraestructura pública híbrida" qu'integra la práctica deportiva cola meyora climática y paisaxística, al empar que respuende a una demanda xuvenil. El proyectu venceya amás el deporte, la movilidá activa y la cultura ciclista, xenerando sinerxes col Muséu del Ciclismu y la vida deportiva de la zona.
El presupuestu total pal que se solicita l'ayuda LEADER xube a 141.333 euros.
L'actuación llevaráse a cabu nun suelu urbanu de 41.161 metros cuadraos.