El Conceyu de L.lena va acometer l'arreglu integral del parque de La Pola
El Conceyu de L.lena va invertir unos 100.000 euros na remodelación integral del parque infantil de La Pola, allugáu nel centru urbanu. Esta actuación se enmarca dientro del plan de meyora de les árees de xuegu infantiles del conceyu, una iniciativa qu'arrincó l'añu pasáu cola sustitución de los elementos de xuegu nel colexu Vital Aza.
La obra, qu'inclúi la instalación de nuevos elementos, como el suelu de seguridá y el zarru perimetral, va acometese nos próximos meses, segundu adelantaron los responsables del equipu de Gobiernu a los neños que formen parte del Conseyu d'Infancia y Adolescencia de L.lena.
Mientres el branu pasáu, el Conceyu anovó de manera integral el parque de la localidá de Vil.layana, onde se llevó a cabo trabayu de meyora, restauración y sustitución tanto de los xuegos infantiles como de los aparatos de ximnasia biosaludable. Dicha actuación cuntó con una inversión cercana a los 11.200 euros.
La área d'Obres, dirixida por Roberto Campomanes, entamó en Casorvia y siguió en Vil.layana esti plan de meyora y revitalización de los parques infantiles en tol conceyu. L'oxetivu principal ye reparar y anovar aquelles instalaciones que presenten un mayor deterioru, garantizando asina espacios seguros pa los más pequenos.
Nesta primer fase, priorizóse camudar la intervención nos parques de Carabanzo y
Campumanes, asitiáu esti postreru xuntu al ambulatoriu. Estos allugamientos fueron escoyíes de forma preferencial al ser les qu'amosaben un peor estáu de caltenimientu.
Les obres miren a les necesidaes específiques de cada espaciu tres un estudiu anterior que sirvió pa identificar los defectos de cada instalación. D'esta miente, les actuaciones inclúin dende trabayos de llimpieza fonda y pintáu hasta la sustitución completa de los elementos deterioraos. En total, el plan contempla la intervención nos 15 parques colos que cunta'l conceyu.
Per otru llau, el Conceyu va anovar el pavimentu del patiu del colexu rural de Campumanes. De la mesma, l'alministración va reclamar de nuevu la construcción de la cubierta de dichu espaciu por que los estudiantes puedan realizar actividaes con independencia del clima.
