El conceyu, referente pal emprendimiento rural
El mercáu de ganáu se convierte nun centru de vanguardia con una inversión de 1,5 millones
El compromisu col sector agroalimentario en L.lena dio un pasu definitivu col tresformamientu del actual mercáu de ganáu nun Centru de Servicios pal Emprendimientu Rural y Recursos Agroalimentarios. Esti ambiciosu proyectu de rehabilitación non solo busca modernizar les instalaciones esistentes, sinón crear un ecosistema multifuncional onde la tradición ganadera conviva cola innovación económica.
Con una inversión proyectada de cerca de 1,5 millones d'euros, el nuevu edificiu diseñóse so criterios d'eficiencia enerxética y sostenibilidá. L'oxetivu ye claru: afaer el sector agrariu local a los retos de la economía circular y la bioeconomía. Estes instalaciones van cuntar con oficines, vestuarios y árees de servicios que van sirvir de lanzadera para nuevos proyectos, potenciando especialmente les oportunidaes pa muyeres y mozos ganaderos. Ye un apueste por un modelu granible que, amás d'alimentos de máxima calidá, xenere beneficios ambientales y sociales pa tol conceyu.
Puerta d'Asturies, un certame de récord
La vitalidá del sector vacunu en L.lena manifestóse con una fuerza ensin precedentes nel Concursu de Ganáu 'Puerta d'Asturies'. Nun apueste pola excelencia, el certame llogró bater los sos propios récords de participación, algamando les 55 ganaderíes y cerca de 300 animales. Esta crecedera nun ye casual, sinón frutu d'una escucha activa al sector profesional. La implementación de meyores na estructura de premios —que yá algama los 7.000 euros— y la creación de nueves categoríes como los llotes de ganadería" incentivaron la competitividá.