Gran impulsu a la Fiesta del Corderu
La Fiesta del Corderu, declarada d'Interés Turísticu Nacional dende 1984, refuerza la so estructura pa consolidase como una cita gastronómica imprescindible del calendariu. Coles mires de potenciar esta celebración, punxéronse en marcha nueves iniciatives que busquen tantu recuperar tradiciones perdíes como garantizar la comodidá de los asistentes.
Concursu d'asadores
Una de les grandes novedaes ye la recuperación del concursu d'asadores, un certame que se realizaba va años y que vuelve col enfotu de poner en valor l'oficiu y la maestría culinaria d'esta fiesta. El concursu cunta con una dotación económica pa los participantes inscritos, fomentando asina la calidá y el curiáu del eventu.
Más infraestructura
Pa asegurar que la fiesta se celebrare con ésitu independientemente de la meteoroloxía, previóse la instalación de carpes o otros sistemes de protección nel prau de L.lagüezos. Esta midida busca garantizar l'ésitu del eventu vaiga'l tiempu que faiga, con espacios cubiertos tantu pal públicu xeneral como pal trabayu de los asadores
Ésitu de Feries y La Flor
La programación d'actividaes y actuaciones pal calendariu festivu local, tantu en Feries como con La Flor, vien collechando un incontestable ésitu de públicu.
L'ampliación del concursu navidiegu alluma tol conceyu
La estensión del concursu de decoración navidiega a los pueblos llevó la maxa del llume propio d'estes feches a tol conceyu de L.lena.
Con una dotación de 1.100 euros, esta nueva categoría especial fomenta'l trabayu colectivu y la ornamentación nes distintes localidaes.