Proyectu Pintaius
El Proyectu Pintaius naz coles mires de rescatar, promover y poner en valor la cultura de los pobladores de los castros nel Valle del Güerna. La iniciativa toma como exa central la figura de Pintaius, un ástur de la Cohors V Asturum que sirvió como signifer (portaestandarte) nel exércitu romanu y que'l so orixe asítiase na antigua Intercatia, allugada nel actual territoriu l.lenizu.
El proyectu plantégase en trés fases que van dende la investigación histórica y el desenvolvimientu de materiales divulgativos y formativos, hasta'l desenvolvimientu de rutes o d'eventos de recreación histórica que vengan reforzar el papel de los castros como un elementu de pesu na cultura del conceyu
Un motor pal turismu cultural y sostenible
Más allá del so valor históricu, el Proyectu Pintaius asítiase como una ferramienta clave pa la dinamización turística del conceyu polo xeneral y del Valle del Güerna en particular.
Al combinar el patrimoniu arqueolóxicu col senderismo y la divulgación, la iniciativa atrai a un perfil de visitante interesáu nel turismu d'esperiencies y la cultura calidable.
Esta puesta en valor del paisaxe castreño non solo contribúi al caltenimientu de la memoria colectiva, sinón que tamién xenera un impactu positivu na economía local, consolidando al conceyu de L.lena como un referente del turismu cultural sostenible n'Asturies
