Historia
Memoria política de IU L.lena
Orixe y Primeros Años
El proyectu políticu d'Izquierda Xunida de L.lena funde los sos raigaños na fonda y combativa tradición obrera del conceyu. La nuesa hestoria nun empieza con unes sigles, sinón col compromisu d'homes y muyeres que, dende la clandestinidá y la posterior
Transición, defendieron los derechos de la clase trabayadora l.leniza, la xusticia social y los servicios públicos.
L'heriedu del PCE y la nacencia del municipalismo democráticu
La pilastra fundamental de la nuesa organización provien del Partíu Comunista d'España(PCE) en L.lena. Cola llegada de les primeres elecciones municipales democrátiques en 1979, el PCE yá se consolidó como una fuerza indispensable pa entender la política local, apurriendo conceyales históricos como Enrique Baquero.
Estos primeros años de municipalismo tuvieron marcaos pola construcción dende embaxo d'un conceyu modernu, la defensa de les cuenques mineres y el desenvolvimientu d'infraestructures básiques pa los pueblos y barrios de L.lena.
La refundación y l'afitamientu d'Esquierda Xunida (1986-1987)
En 1986, nun contestu de fuerte movilización social y refugu a la permanencia d'España na OTAN, naz la coalición d'Izquierda Xunida a nivel nacional. En L.lena, esti procesu de converxencia xunió a comunistes, socialistes d'esquierda ya independientes so un proyectu común y plural.El primer gran finxu electoral so estes nueves sigles llegó nes elecciones municipales de 1987.
La candidatura d'Izquierda Xunida de L.lena llogró una sólida representación nel Conceyu, siendo liderada por Enrique Llobu, quien tomó'l relevu na defensa de les polítiques tresformadores del conceyu.
Mientres finales de los 80 y la década de los 90, la organización consolidóse como'l
referente indiscutible de la esquierda tresformadora en L.lena, calteniendo siempres un pie nes instituciones y otru na cai, al llau de los movimientos sociales, vecinales y sindicales. Ye esti espíritu d'unidá y llucha compartida'l que sentó les bases de too lo que somos güei.